Plantun de Prouvènço

Pèr coumpara dos planto d'encò nostre

Veratrum album & Ostrya carpinifolia

Varaire

Veratrum album

Melanthiaceae

Àutri noum : Veraire, Avarai, Avaraire, Petaire.

Noms en français : Vératre blanc, Hellébore blanc.

Descripcioun :
Lou varaire trachis dins li pesquié e li melounié de mountagno. Es uno grando erbo, forto, emé de gràndi fueio alterno senso pecou. L'enflourejado en grapo sarrado èi coumpausado de flour blanquinouso mens o mai verdo, emé la baso di tepalo pu sourno. Se sias un "gencianaire", avisas vous de lou pas counfoundre emé la genciano que li fueio se sèmblon proun.

Usanço :
Lou varaire es uno planto mourtalo de la racino i grano. Parié qu'Alessandre-lou-Grand fuguè empouisouna em'acò. Paraliso l'esistème nervous, aro se n'en servon soulamen en oumeoupatìo. Emé li racino s'adoubo uno poutingo bono contro li niero o àutri bestiouno.

Port : Grando erbo
Taio : 50 à 200 cm
Fueio : alterno
Tipe bioulougico : Geoufite
Cicle bioulougico : Planto renadivo

Gènre : Veratrum
Famiho : Melanthiaceae

Coulour de la flour : Verdo
Petalo : 5
Ø (o loungour) flour : 1 cm
Flourido : Estiéu

Sòu : Ca
Autour basso e auto : Pancaro entresigna
Aparado : Noun
Remarco :
Juliet à avoust

Liò : Pesquié - Bos clar - Melounié
Estànci : Mountagnard à Aupen
Couroulougi : Éurasiatico
Ref. sc. : Veratrum album L., 1753

Caupre(-óubloun)

Ostrya carpinifolia

Betulaceae

Nom en français : Charme-houblon.

Descripcioun :
Lou caupre-óubloun èi coumun soulamen dins lis Aup marino, alor que dins lou soubre de Prouvènço es un aubre rare. Se recounèis eisa quouro es en fru que soun enflourejado douno d'èr à la d'óubloun. Li fueio, éli, sèmblon à-n-aquésti dóu caupre, Carpinus betulus.
Usanço :
Aleva d'èstre planta dins li pargue, couneissèn pas d'usanço particuliero pèr aquest aubre.